कवितई क काम मनबोध के ओइजा ले पहुंचावल बा जहाँ ले अदमिन क संसार फइलल ह। ‘कुक्कर’ संकलन में कवि डॉ. एम. डी. सिंह की बहाने इहे काम भइल बा।&nbsp;सभे जानऽता कि कुक्कर एगो चिन्हाट बाटे ए दुनिया में कई बातिन क, ऊ नीमन होखे चाहे बाउर। लेकिन ए संकलन में एतने भर ना ह। असली बात ई हउवे कि कुक्कर की बहाने आजु क अदमी की भीतर बइठल जउन जानवर बा उहो कुक्करे अइसन भंउकत बा, पोंछ हिलावत बा, सुनसान घर में पइठ के हाँड़ी में मूँहो डालऽता आ मोका पा के कटबो करऽता। कुक्कर की लिहाज़ से त ठीके कहाई बाक़ी अदिमी खाती ई बिडम्बना ह। आज का दुनिया सहज आदमी आ सहज जानवर क भरोसगर दुनिया नइखे रह गइल, ओमें बहुत उलझाव आ पेंच फंसल रहऽता। ‘कुक्कर’ में ए कवितवन के पढ़ि के ई साफे जनाऽता कि कवि आजुकल क अदिमी की जीवन में चोरी छुपे बइठल जानवर के चुपचाप शब्द की पीछे से इशारा करऽता। आज की ज़माना में अदिमी अब अदिमी के चीन्हते नइखे। एगो अजब तरह क सूखल, उरठ, परती आ मुरझाइल हमदरदी जिनगी में ऊपर से नीचे चारो ओर पसर गइल बा। एही से पशुता बढ़त चलत जात बा। ए संकलन में कवि ओही के बहरा निकालऽता आ खेदऽता।&nbsp;कवि क कामे ह कि हाँका लगावल करे। डॉ. एम. डी. सिंह की कवितई में ई गुन पहिलहीं से ह। अपना पहिला संग्रह चील्होर में ऊ आसमान से ज़मीन प इशारा कइले रहलन। ए बेरी कुक्कर की बहाने धरती प सीधे सीधे आँखि मा आँखि डालि के अदिमी के बता देले बानऽ कि देखा अभ भौकाली कुक्कर समनहीं आ गइल बा। अब तब्बे जीउ बांची जब हर अदमी अपना मोर्चा प चेतल रही। ए ख़ातिर ओके चीन्हल ज़रूरी बा। तबे आदमी के बचावल जा सकऽता। नाहीं त चारों ओर फिर कुक्कर लउकिहं। भोजपुरी आपन मातृभाषा ह जवना में बहुत साहित्यकार कविता कहानी निबंध नाटक लिख रहल बानै। ए देस से ले के मारीशस, फ़िजी, सूरीनाम तक भोजपुरी का काम आगे बढ़त जाता। ई संकलन भोजपुरी कविता आ भाषा दुनों की लिहाज़ से आपन जगह छेंकी अइसन बुझाता।हम अपनी ओर से कवि जी के बधाई दे रहल बानी आ चाहऽतानी कि अगला संकलन में कवि आसमान ज़मीन की बाद अब पानी में उतरि के भाषा क जाल बिछावस।&nbsp;—प्रो. आनंद कुमार सिंहभोपाल

Kukkur

Kukkur ( कुक्कुर ) Written By Dr. M. D. Singh ( डॉ. एम. डी. सिंह )


कवितई क काम मनबोध के ओइजा ले पहुंचावल बा जहाँ ले अदमिन क संसार फइलल ह। ‘कुक्कर’ संकलन में कवि डॉ. एम. डी. सिंह की बहाने इहे काम भइल बा।&nbsp;सभे जानऽता कि कुक्कर एगो चिन्हाट बाटे ए दुनिया में कई बातिन क, ऊ नीमन होखे चाहे बाउर। लेकिन ए संकलन में एतने भर ना ह। असली बात ई हउवे कि कुक्कर की बहाने आजु क अदमी की भीतर बइठल जउन जानवर बा उहो कुक्करे अइसन भंउकत बा, पोंछ हिलावत बा, सुनसान घर में पइठ के हाँड़ी में मूँहो डालऽता आ मोका पा के कटबो करऽता। कुक्कर की लिहाज़ से त ठीके कहाई बाक़ी अदिमी खाती ई बिडम्बना ह। आज का दुनिया सहज आदमी आ सहज जानवर क भरोसगर दुनिया नइखे रह गइल, ओमें बहुत उलझाव आ पेंच फंसल रहऽता।